الموضة السنة دي إلصاق تهمة إزدراء الدين الإسلامي لأي حد معدي اللي بيزدري و اللي مبيزدريش، حلو. . جدعان اوي و رجالة ... بس نفسي أسمع عن حد إتقبض عليه بتهمة إزدراء الدين المسيحي ،بلاش طب إزدراء المقدسات زي الصفحات اللي مالية الفيسبوك شتيمة في المسيح و العذراء، مش دول من مقدساتنا برضه؟، و اللي يهينهم كأنه أهان الإسلام؟ هتقولي فين دة؟ هقولك عندي صفحات ناس بالإسم علي الفيس بتشتم سيدنا عيسي و العذرا مريم بأقذع الشتائم و الألفاظ بس انا مقدرش أنشرها عشان منغلطش الغلطة اللي غلطناها في حوار الفيلم المسئ اياه، و كمان عشان مهيجش الناس و تبقي فتنة طائفية قامت علي حس تدوينة، هتقولي مانتي كدة بتقومي الدنيا برضه، هقولك اللي شغالين تقفيش في كل من اهان الإسلام و سايبين اللي بيهين أي مقدس تاني هما اللي هيقوموا الدنيا و مش هيقعدوها، هتقولي علاج الناس دي التجاهل، هقولك يبقي نتجاهل كله بقي اللي بشتموا الأديان كلهم، لكن تقبض علي ناس و ناس لأ يبقي أنت مشترك مع الناس اللي بتشتم في المسيحيين و بتشجعهم بتجاهلك للي بيعملوه، يبقي أنت قاصد تعمل فتنة.
إرحمونا بقي و إرحموا البلد. ..أنا زهقت و قرفت من الغباوة، زهقت و قرفت م الهمجية و الإندفاع ، زهقت و قرفت من الإنسياق وراء أي فخ هدفه هدم البلد م الأساس و فاكرين إن دة لنصرة الإسلام ... ديننا لن ينتصر غير بالفكر. . طول ما لسانكوا سابق تفكيركوا هيفضل العالم كله يضحك علينا و يسخر من جهلنا، يا أمة ضحكت من جهلها الأمم.
إرحمونا بقي و إرحموا البلد. ..أنا زهقت و قرفت من الغباوة، زهقت و قرفت م الهمجية و الإندفاع ، زهقت و قرفت من الإنسياق وراء أي فخ هدفه هدم البلد م الأساس و فاكرين إن دة لنصرة الإسلام ... ديننا لن ينتصر غير بالفكر. . طول ما لسانكوا سابق تفكيركوا هيفضل العالم كله يضحك علينا و يسخر من جهلنا، يا أمة ضحكت من جهلها الأمم.
يا ست الكل الفرق بينا وبين الاخوة المسيحين اننا بنؤمن بالنبى عيسى والنبى محمد عليهما السلام ومن ثم اذا وجدنا من يهاجم النبى محمد من المسيحين لابد من معرفة السبب فى ذلك وما هى دوافعه اما اذا وقع سب للمسيح فلا شك انه غير مسلم لأن الوقوع فى المسيح فيه خروج من الملة باجماع علماء الامة وبالتالى احنا محتاجين نعرف مين اللى ورا صفحات زى دى
ReplyDelete